Аугаа эх орны дайны ялалтын 79 жилийн ойд зориулсан парад ОХУ-ын Буриад Улсын нийслэл Улаан-Үүд хотод /2024.05.09/ боллоо. Зэвсэгт хүчний нэгдсэн армийн штаб, удирдлага удирдлагын анги, Агаарын довтолгооноос хамгаалах, логистикийн ангиудын жагсаалын багийнхан дайнд оролцсон ахмад дайчид, эх орны дайчид, тусгай ажиллагаанд оролцогчид, хотын иргэд, зочид төлөөлөгчдийн өмнө хүндэтгэлийн парадад алхлаа.
Мөн Улаан-Үүд хотын Ялалтын баярт зориулсан ёслолын арга хэмжээнд Монгол Улсын Зэвсэгт хүчний цэргийн бие бүрэлдэхүүн оролцсон юм. Тус парадад 1.5 мянга гаруй хүн, 40 орчим анги, цэргийн болон тусгай техник оролцсон байна. Энэ үеэр Аугаа их эх орны дайн болон цэргийн тусгай ажиллагааны үеэр амь үрэгдэгсдийг дурсан нэг минут чимээгүй зогсож хүндэтгэл үзүүлсэн юм.
