Галт тэрэгний замыг чөлөөлөхөд Т-55 танк ашиглаж байна

Энэ сарын 12-ны өглөөний 07:30 цаг орчимд Улаанбаатараас Замын үүд өртөөний чиглэлд зорчиж явсан галт тэрэг Дорноговь аймгийн Даланжаргалан, Хар айраг сумын хооронд осолдсон билээ. Энэхүү ослын үеэр үүссэн хохиролыг арилгахаар Хуурай цэргийн командлалаас хүн, хүч техник хэрэгслийн туслалцаа үзүүлж байна. Тодруулбал, ОБЕГ-ын хүсэлтийн дагуу Зэвсэгт хүчний дугаар ангиас танкийн тросс-30 ширхэгийг ЗИЛ 131 автомашинаар ослын газарт хүргэсэн байна. Мөн ослын газар, орчныг цэвэрлэн, замыг чөлөөлөхөд дэмжлэг үзүүлэхээр Зэвсэгт хүчний дугаар ангиас Т-55 танк ажиллаж байна.