Монгол шуудангийн төв салбар дээр Улаанбаатар хот дахь Оросын Үнэн алдартны шашны Гэгээн-Троицкийн сүмийн 160 жилийн ойн дугтуйг тамгалах ёслолын арга хэмжээ /2024.04.03/ боллоо.
160 жилийн өмнө буюу 1864 оны 4 дүгээр сарын 3-ны өдөр Нийслэл хүрээн дахь Оросын Хаант Улсын Ерөнхий Консулын газрын дэргэд Оросын Үнэн алдартны шашны Гэгээн-Торицкийн сүм нээгдсэн түүхтэй. Хаант улсын үед Оросын дипломат төлөөлөгчийн газар хилийн чанадад нээгдэхдээ Оросын шашны үйл дагалддаг байжээ.
Хотын зүүн хэсэг болох “Консулын дэнж”-д нээгдсэн тус сүм шинэчлэн баригдаж, үйл номлолоо явуулж байна. Өдгөө тус сүм Монгол дахь орос, серб, беларусь, гүрж, молдав, армян, польш, баптист хүртсэн монголчууд очдог шашны амьдралын төв болжээ.
