Монгол Улсын сайд, Боомтын Сэргэлтийн Үндэсний Хорооны дарга Б.Тулга Алтанбулаг боомтод ажиллав.
Тэрбээр хил хяналтын байгууллагууд болон аймаг, орон нутгийн удирдлагуудтай боомтод үүсч буй нөхцөл байдлыг хэрхэн шиидвэрлэх талаар харилцан санал солилцож, холбогдох арга хэмжээг авч ажиллахыг үүрэг болголоо.
Мөн энэ үеэр иргэд, аж ахуйн нэгжийн төлөөлөлтэй уулзаж боомтоор нэвтрэхэд ямар саад бэрхшээл тулгарч байгаа талаар санал солилцож, асуудлыг газар дээр нь шийдвэрлэхээр боллоо.
