Ойрын өдрүүдэд түр зуурын аадар орох эрсдэлтэй байна

Ойрын өдрүүдэд халалт үргэлжилж, түр зуурын хүчтэй аадар бороо орох эрсдэлтэй байгааг мэргэжлийн байгууллагаас мэдээлж буй. Нийслэлийн Онцгой байдлын газар(ОБЕГ)-ын алба хаагчид өдөр бүр Туул, Тэрэлж, Хэрлэн гол дагуу завьт эргүүл, хөдөлгөөнт эргүүл хийж, иргэдийн аюулгүй байдлыг ханган ажиллаж байна. Мөн дараах сэрэмжлүүлгийг хүргүүллээ. Үүнд:

• Гол, мөрөн нуурын ойролцоо амарч зугаалахдаа сонор, сэрэмжтэй байх,
• Гэр бүл найз нөхөд, хамт олноороо амралт зугаалгаар явахдаа нэгдсэн зохион байгуулалттай, нэгнийгээ бүртгэдэг байх,
• Хүүхдийг гол горхи, нуур, цөөрмийн ойролцоо тоглуулахгүй байх
• Согтууруулах ундаа хэрэглэсэн үедээ гол усанд орохгүй байх
• Булчин, шөрмөс татах үед гол усанд орохоос татгалзах
• Түргэн урсгалтай гүнзгий голын усанд сэлэхээс зайлсхийх
• Гол горхи, нуурын ус гатлахдаа зориулалтын гарам, гүүрээр гарах
• Голын эрэг дагуу байрласан аюулгүй байдлын сануулга, самбаруудыг анхаарч аюулгүй байдлаа хангах, гол, усны ослоос урьдчилан сэргийлэхийг нийслэлийн Онцгой байдлын газраас сэрэмжлүүлж байна.

Нийслэлийн Онцгой байдлын газар