Жюү Жицүгийн ДАШТ-ийн тамирчдад өв соёлоо танилцуулна

Монгол Улсын нийслэл Улаанбаатар хотноо Жюү Жицүгийн насанд хүрэгчдийн болон мастерс ангиллын XX удаагийн Дэлхийн аварга шалгаруулах тэмцээн болно. Долоодугаар сарын 15-20-ны өдрүүдэд Стэп Арэнад зохион байгуулахаар төлөвлөсөн ДАШТ-ий бэлтгэл хангагджээ.

Тус тэмцээнийг Монгол Улсын Засгийн газраас зарласан “Монголд зочлох жил”-ийн хүрээнд, Нийслэл Улаанбаатар хотын “City of Nomad” үзэл баримтлалтай нийцүүлэн зохион байгуулснаар Монгол үндэсний өв соёлыг ДАШТ-д оролцох 60 гаруй орны 1200 орчим тамирчин, зочид төлөөлөгчдөд сурталчлан таниулах аж. ДАШТ-ий тасалбарыг ticket.mn, shoppy.mn, steppearena.mn сайтуудаар худалдаж эхэллээ.