Боксчин Л.Алтанцэцэг хүрэл медалийн болзол хангажээ

Йордан улсын Амман хотод болж буй Ази тивийн аварга шалгаруулах боксын тэмцээний 5 дахь өдөр эмэгтэйчүүдийн 52 кг жинд Л.Алтанцэцэг Узбекистаны боксчинг шүүгчдийн санал нэг шийдвэрээр ялж хүрэл медалийн болзлыг хангаад байна.

Ази тивийн аварга шалгаруулах тэмцээнд хүч үзэж байгаа Монголын шигшээ багийн тамирчдын медалийн салхийг хагалахдаа тэрбээр З дугаар үедээ өрсөлдөгчөө хүнд цохилтоор ялсан байна. ОУХМ Л.Алтанцэцэг улмаар медалийн өнгийг хувиргах тулаан хийх юм.