“Эрдэнэт үйлдвэр” ТӨҮГ-ын 100 манлайлагч
2021 оны 100 манлайлагчийн жагсаалтад багтсан ажилтнуудын 32% нь удирдах болон инженер техникийн ажилтан, 68% нь ажилчин, албан хаагчид байна. 2021 онд Автотээврийн цехийн Механикийн албаны Өргөн тээвэрлэх тоног төхөөрөмжийн засварчин Д.БАЯНМӨНХ сайн саналын системээр дамжуулан нийт 134 санал гаргаж, 88%-ийг үйлдвэрлэлд хэрэгжүүлсэн амжилтаар жагсаалтыг анх удаа тэргүүлжээ.
2021 оны 100 манлайлагчийн жагсаалтад багтсан ажилтнуудын 25% нь механикийн, 30% нь технологийн, 22% нь эрчим хүчний, 3% нь автоматжуулалтын, 7% нь удирдлага, зохион байгуулалтын, 13% нь бусад чиглэлийн ажилтнууд байна. Манлайлагчид сайн саналын системд нийт 2795 санал гаргаснаас 2082 санал үнэлэгдэж, 1462 буюу 70.2% нь хэрэгжсэн бөгөөд 30% нь маш сайн, сайн саналууд байна. Сайн саналын системийн 100 манлайлагчийн жагсаалтад 2 бүтцийн нэгжийн 2 ажилтан 7 удаа, 3 бүтцийн нэгжийн 4 ажилтан 6 удаа, 4 бүтцийн нэгжийн 5 ажилтан 5 удаа, 5 бүтцийн нэгжийн 9 ажилтан 4 удаа, 3 бүтцийн нэгжийн 10 ажилтан 3 удаа, 10 бүтцийн нэгжийн 22 ажилтан 2 удаа бичигдсэн, бол бусад 48 ажилтан энэхүү жагсаалтад анх удаа багтсан байна. Тус жагсаалтын 74% нь эрэгтэй, 26% нь эмэгтэй, 28% нь 1-5 жил, 40% нь 6-15 жил, 19% нь 16-25 жил, 13% нь 26-аас дээш жил ажилласан ажилтнууд байв.
