Б.Ганболд 18, Ц.Дашдорж 19 дүгээр байрт хурдаллаа

“Бээжин 2022” өвлийн паралимпын наадмын гүйлтийн цанын ойрын зайн уралдаан болж, манай улсын хоёр цаначин хүч сорив. Энэ уралдаанд тэших техникээр 25 тамирчин 1.2 км-ын зайд өрсөлдөхөд Б.Ганболд 18, Ц.Дашдорж 19 дүгээр байрт хурдаллаа.

Тус зайд эхний 12-т багтсан тамирчин дараагийн шат буюу хагас шигшээд шалгарсан юм. Б.Ганболдын хувьд 13 дугаар гараанаас гарч 3:05 минутын хугацаанд замаа дуусгасан бол Ц.Дашдорж 11 дүгээр гараанаас гарч уралдан 3:07 минутанд замаа гүйцээн барианд оржээ.