Монгол хүү Герман киноны гол дүрд тогложээ

Турк гаралтай Германы кино найруулагч, зохиолч, продюсер Фатих Акин “Чик” зохиолоор бүрэн хэмжээний кино хийжээ. Тус киноны гол дүр Монгол царайтай, Орос гаралтай хүү Чикийн дүрд Батбилэгийн Ананд тогложээ.

Одоогоор Берлинд амьдарч, сурч байгаа Б.Ананд Улаанбаатарт болох “Алтан хальс” индепендент кино наадмыг тохиолдуулан киноныхоо нээлтийг тохиолдуулан түр хугацаагаар ирээд байгаа аж. Тэрээр киноныхоо тухай ikon.mn сайтад ярилцлага өгөхдөө ” Чикийн дүр миний бодит амьдралын дүрээс тэс өөр. Их дүрсгүй, дэггүй гэх мэт. Гэхдээ хоёр сарын хугацаанд кино зураг авалдтын үеэр дүрдээ их дассан шүү” хэмээжээ..

Түүний тоглосон “Чик” ГУСК маргааш “iCinema” кино театрт нээлтээ хийх юм.