УНТЭ ламинар урсгалтай хагалгааны өрөөтэй боллоо
Монгол улсад жил ирэх тусам мэс заслын нэр төрөл олширч, мэс засалд орох өвчтөнүүдийн тоо өссөн нэмэгдэж байгаа бөгөөд эрхтэн шилжүүлэн суулгах, уушги, чих, хамар хоолой, нүд, бүдүүн шулуун гэдэс, үе, эрүү нүүр, мэдрэл, зүрх судас, бөөрний мэс заслын үед жилдээ 10,000-12,000 мэдээгүйжүүлгийг амжилттай хийн ажиллаж байна.
2020 оны 11-р сард эхэлсэн энэхүү засвараар зай талбай нь бүрэн шийдэгдсэн ламинарын урсгалаар цэвэршүүлсэн мэс заслын 5 өрөөтэй болгож, дэлхийн жишигт нийцсэн байдлаар тохижуулан мэс засал, мэдээгүйжүүлгийн шаардлагатай тоног төхөөрөмжүүдийг шинээр суурилууллаа. Үүнд
- Орчин үеийн мэдээгүйжүүлгийн аппарат2,
- Зохиомол амьсгалын аппарат 2,
- Захын мэдрэлийн хориг хийх эхо аппарат,
- Видео ларингоскопи, уушгины уян дуран
зэрэг болно. 4 давхарын шинээр засвар хийгдсэн энэ хэсэгт үе, зүрх судас, мэдрэл, эрхтэн шилжүүлэн суулгах мэс заслууд хийгдэнэ. Уг үйл ажиллагаанд Эрүүл мэндийн сайд С.Энхболд, Монгол Улсын Ерөнхийлөгчийн зөвлөх Т.Мөнхсайхан,УНТЭ-ийн ерөнхий захирал Б.Хишигжаргал нар оролцлоо. 2020-2021 онд ЭМЯ-ны төсөл санхүүжилтээр МХНТ-ийн 4 давхрын мэс заслын өрөөнүүдэд бүрэн засвар хийгдсэн нь 1971 оноос хойш тус тасгийн засвар тохижилтын ажлыг цогцоор нь шийдсэн ажил байлаа.
