Зэвсэгт хүчний 2020 оны шилдэгүүд тодорлоо
Монгол Улсын Зэвсэгт хүчний Жанжин штаб, Төрлийн цэргийн командлалуудын 2020 оны гүйцэтгэлийн тайланг хэлэлцсэний дараа ажил, мэргэжил, амжилт бүтээлээрээ бусдыгаа түүчээлсэн Зэвсэгт хүчний оны аваргуудад ЗХЖШ-ын дарга, хошууч генерал Д.Ганзориг шагналыг нь гардуулан өгсөн юм.
“Зэвсэгт хүчний тэргүүний анги”-аар хурандаа Т.Лодойдамба захирагчтай Зэвсэгт хүчний 016 дугаар нэгтгэл, “Зэвсэгт хүчний тэргүүний салбар”-аар Зэвсэгт хүчний 148 дүгээр салбар, “Зэвсэгт хүчний тэргүүний офицер”-оор ахлах дэслэгч Т.Тайшир (АЦК), “Зэвсэгт хүчний тэргүүний ахлагч”-аар ахлах ахлагч А.Уламбаатар (089), “Зэвсэгт хүчний тэргүүний ажилтан албан хаагч”-аар Х.Должинсүрэн (339), “Зэвсэгт хүчний тэргүүний цэргийн гэрээт алба хаагч”-аар Зэвсэгт хүчний 014 дүгээр ангийн цэргийн гэрээт алба хаагч, ахлах байлдагч Л.Алтанбаяр нар тус тус шалгарлаа.
