УГТЭ-т ариутгал халдваргүйжүүлэлтийн хаалга байршуулжээ

Бүх нийтийн бэлэн байдлын зэрэгт шилжсэн эдгээр  өдрүүдэд Улсын хоёрдугаар төв эмнэлэг ариутгал халдваргүйжүүлэлтийн хаалга байршуулжээ.

Энэхүү ариутгал халдваргүйтгэлийн аппарат нь хүн ирэхийг өөрөө мэдэрч 50 см зайнаас хүний царай уншиж 3 секундийн дотор хэмжин халуунтай эсвэл амны хаалт зүүгээгүй яваа хүн нэвтрэх оролдлого хийвэл мэдэрч дохио өгөх юм.

Ариутгалын тусгай шингэн бодисыг мананцар болгон цацан Озоны хий болон хэт ягаан туяагаар 360 градус ариутгалыг хийх аж.