Ш.Оргил: Сэлэнгэ аймагт 9,772 иргэнээс түргэвчилсэн оношлуураар шинжилгээ авсан
Сэлэнгэ аймагт нөхцөл байдал ямар байгаа талаар тус аймгийн Засаг дарга буюу Онцгой комиссын дарга Ш.Оргил, Батлан хамгаалахын сайд, Улсын Онцгой комиссын орлогч дарга, бригадын генерал Г.Сайханбаяр нар мэдээлэл өглөө.
Сэлэнгэ аймгийн Засаг дарга Ш.Оргил “Сэлэнгэ аймгийн хэмжээнд нийт 264 иргэн тусгаарлалтад байгаа бөгөөд 20 цэгт шинжилгээ авч байна. 12 тусгаарлах байранд 239 иргэн, гэрээр тусгаарлагдаж байгаа хүмүүсийг нэмээд нийт 283 иргэн тусгаарлалтад байна. 9,772 иргэнээс түргэвчилсэн оношлуураар шинжилэгээ авсан.
Түргэвчилсэн оношлуур нь урьдчилсан мэдээ бөгөөд эцсийн хариу биш гэдгийг иргэдэд анхаарууллаа. Тус аймагт гарсан халдвар дараах 2 шалтгаанаас голомтлон гарсан. Тус аймгийн Сүхбаатар хот бол төмөр замын байнгын хөдөлгөөнтэй бүс, өдөрт 15-20 тээврийн хэрэгсэл зорчиж байдаг. Тиймээс халдвар хатуу болон зөөлөн биетэээр гаднаас зөөвөрлөгдөн орж ирсэн. Мөн ахуйн үйл ажиллагааны алдаанаас болоод, тээврийн жолооч, тээврийн хэрэгслийн халдвар хамгаалал алдагдаж халдвар гарсан нь тогтоогдсон” гэлээ.
