УОК: Хөл хориог ЕСДҮГЭЭР САРЫН 15-ныг дуустал сунгалаа

Улсын Онцгой комиссын ээлжит хуралдаан өнөөдөр /2020.08.25/  боллоо. Хуралдаанаар ирэх долоо хоногийн даваа /2020.08.31/ гарагт дуусгавар болох өндөржүүлсэн бэлэн байдлын хөл хориог сунгах эсэх асуудлыг хэлэлцсэн юм.

Улмаар гамшгаас хамгаалах хэсэгчилсэн өндөржүүлсэн бэлэн байдлын зэрэгт шилжүүлсэн хугацааг 2020 оны есдүгээр сарын 15-ны өдрийг дуустал сунгах саналыг УОК-ын гишүүд санал нэгтэй дэмжлээ. 

Энэхүү шийдвэрийг 12:00 цагт болох Засгийн газрын ээлжит бус хуралдаанаар хэлэлцэж, тогтоолоор баталгаажуулах юм. 

Энэ талаар эргэн мэдээлнэ.