Цагаан давааны автозамын хөдөлгөөнийг нээжээ

Архангай аймгаас Завхан аймаг явах Цагаан давааны замд өнөөдөр буюу долоодугаар сарын 15-ны 16 цаг орчимд шатахуун тээвэрлэж явсан том оврын автомашин осолдож шатсан хэрэг гарсан юм. Уг ослын улмаас хоёр хүн амь насаа алдаж, найман хүн түлэгдэн, таван автомашин, нэг мотоцикл галд өртсөн байна.

Ослын газарт тус аймгийн эмнэлэг, онцгой байдал, цагдаагийн алба хаагчид ажиллаж, Ихтамир сумын нутаг Цагаан давааны наана болон цаана хоёр газарт хөдөлгөөн хаагаад байсан юм. Харин 21 цагийн орчимд тус автозамыг нээж, тээврийн хэрэгслүүдийг бага багаар нэвтрүүлж байгаа талаар Архангай аймгийн Замын цагдаагийн тасгаас мэдээллээ