Цахим гэмт хэргээс сэрэмжлүүлж байна

Сүүлийн үед өөрийгөө Франц улсын иргэн хэмээн танилцуулан, төрөл бүрийн бичиг баримт хуурамчаар үйлдэн, итгэл олох замаар монгол иргэдээс их хэмжээний мөнгө залилсан тохиолдол гарч буйг Парис дахь Элчин сайдын яамнаас мэдэгдлээ.

Тодруулбал, олон нийтийн сүлжээ болох фэйсбүүк болон цахим шуудангаар 1,5-2,0 хувийн хүүтэй, ямар нэгэн барьцаагүй зээл авахад тусална хэмээн Монголын гурван иргэнийг залилсан байна.

Тиймээс дээрх төрлийн аливаа санал, хүсэлтэд сонор, сэрэмжтэй байж, хариуцлагатай хандахыг Гадаад хэргийн яамны Консулын газраас иргэдэд анхаарууллаа.