“Эрдэнэс-Тавантолгой” ХК “Саятан жолооч” уралдаан зарлалаа

Уралдааны зорилго нь жолооч нарын хариуцлагыг нэмэгдүүлэх, зам тээврийн ослыг бууруулах, стандартын дагуу тээвэрлэлт гүйцэтгэж хэвшүүлэх юм.

Уралдааны шалгаруулах төрөл

-Шилдгийн шилдэг жолооч: /2 эрэгтэй, 2 эмэгтэй/

-Шилдэг жолооч: 80 хүн

-Осолгүй манлай жолооч: 40 хүн

-Шилдэг тээврийн компани: 5 байгууллага

/Жич: “Саятан жолооч” уралдаант шалгаруулалтад амжилт гаргасан жолооч нарыг төрийн одон медальд тодорхойлно./

*️Шагналын сан 285 сая төгрөг.

Уралдаанд нэр дэвшигчдийн бүрдүүлэх материал:

-“Саятан жолооч” оролцогчийн анкетийг бөглөх /ЭТТ ХК-ийн Нүүрс ачилт, ложистикийн хэлтэс дээр өөрийн биеэр ирэх/

-Жолооны үнэмлэхний хуулбар 1 /нэг/ хувь

-Тээврийн хэрэгслийн гэрчилгээний хуулбар 1 /нэг/ хувь

-Шагналд нэр дэвшигчдийн 2019 оны эхний хагас жилд хийгдсэн ажлын дэлгэрэнгүй мэдээлэл

-Байгууллагаас тодорхойлсон тогтоол шийдвэр, хамт олны хурлын тэмдэглэл, санал

-Ажлын байрны тодорхойлолт /Ажлын чанар, үр дүн, амжилт, шинэ бүтээл санаачилсан тэргүүн туршлага зэргийг тоон үзүүлэлттэйгээр тусгасан байна/

-Онцгой амжилт гаргасан бол түүнийг гэрчлэх баримт бичиг, шийдвэрийн хуулбар, бүтээлийн жагсаалт /Ажлын ололт амжилтыг баримтаар нотлон холбогдох материалыг хавсарган ирүүлэх/

*️Бүх материалыг 1 хувь авах бөгөөд файлаар zulkhuu.a@erdenestt.mn, ariunbold.e@erdenestt.mn цахим хаягаар илгээнэ үү.

*️Уралдааны хугацаа: 2019.04.20-2019.10.20

*️Материал хүлээж авах хугацаа: 2019.11.01-ний 17.00 цагаас өмнө ирүүлэх.

Энэхүү уралдаант шалгаруулалт нь “Эрдэнэс-Тавантолгой” ХК-ийн нүүрсийг тээвэрлэж буй ААНБ ба түүний туслан гүйцэтгэгч компани, жолооч нарт хамаарна.

Нэмэлт мэдээллийг “Эрдэнэс-Тавантолгой” ХК-ийн Нүүрс ачилт, ложистикийн хэлтсээс авна уу.

Утас: 7014-7585 /дотуур утас 511, 515, 150/