АН-ын бүлгийн завсарлага 10:00 цагт дуусгавар болж, УИХ-ын баасан гаригийн чуулганы нэгдсэн хуралдаан эхлэх ёстой байсан ч одоогоор чуулганы ирц бүрдээгүйн улмаас чуулганы хуралдааныг 15.00 цаг хүртэл хойшлууллаа.
Гишүүдийг нэг цаг гаруй хугацаанд хүлээсэн ч 36 гишүүн чуулгандаа ирж ирц 48 хувьтай байв. УИХ-ын дарга М.Энхболд “Гишүүдээс чуулганыг хойшлуулах санал ирж байна. Тиймээс чуулганы хуралдааныг 15.00 цагаас эхлүүлье” гэв.
Өнөөдрийн чуулганы нэгдсэн хуралдаанаар УИХ-ын гишүүн Б.Ундармаа, Л.Энхболд, Д.Дамба-Очир, Г.Солтан нарын УИХ-ын гишүүний бүрэн эрхийг түдгэлзүүлэх эсэх асуудлыг хэлэлцэх юм.
