УИХ-ын чуулганы өнөөдрийн хуралдаанаар Зам тээвэр, хөгжлийн сайдыг чөлөөлөх асуудлыг хэлэлцэж, гишүүдийн олонхийн саналаар Ж.Бат-Эрдэнэ үүрэгт ажлаасаа албан ёсоор чөлөөлөгдсөн юм. Улмаар МАН-ын Удирдах зөвлөл яаралтай хуралдаж, дараагийн Зам тээвэр, хөгжлийн сайдад УИХ-ын гишүүн Я.Содбаатар, Б.Энх-Амгалан, Ё.Баатарбилэг нарын хэнийг дэвшүүлэх талаар хэлэлцсэн байна.
Удирдах зөвлөлийн хуралдаанаар Я.Содбаатар гишүүнийг нэр дэвшүүлэхээр тогтсон бөгөөд УИХ дахь МАН-ын бүлэг яг одоо хуралдах гэж байна. Я.Содбаатарыг ЗТХ-ийн сайдаар томилохыг бүлэг дэмжвэл Төрийн байгуулалт болон Эдийн засгийн байнгын хороодоор асуудлыг хэлэлцээд эцэст нь УИХ-ын чуулганаар оруулж батлах юм.
