2024-2025 оны хичээлийн жилд ОХУ-ын Засгийн Газрын тэтгэлгээр их дээд сургуульд суралцах хүсэлтэй иргэдийг бүртгэж эхэллээ. Монгол Улсад 620 тэтгэлэгт хуваарь ирүүлсний 100 нь зам, тээврийн салбарын мэргэжлээр элсэлт авах юм.
Зам, тээврийн хөгжлийн яамнаас салбарын боловсон хүчнээ бэлтгэхэд онцгойлон анхаарч, БНХАУ, ОХУ, БНСУ, Япон, Вьетнам, ХБНГУ зэрэг орнуудтай хамтын ажиллагааны санамж бичиг байгуулж, тэтгэлэгт хамруулж байна.
Үүний үр дүнд Монгол Улсын Зам, тээврийн хөгжлийн яам болон ОХУ-ын Тээврийн яам, Зам, тээврийн хөгжлийн яам болон Оросын төмөр замууд НХН-ийн хамтын ажиллагааны хүрээнд тус тус 50, нийт 100 оюутныг зам, тээврийн мэргэжлээр 100 хувийн тэтгэлэгтэй суралцуулна.
Дээрх тэтгэлгээр сургалтын төлбөр, дотуур байрны төлбөрөөс 100 хувь хөнгөлж, их дээд сургуулиас шалтгаална.
Тэтгэлгийн материалыг https://education-in-russia.com хаягаар 2023.11.01-ний өдрийг хүртэл хүлээн авна.
Бүрдүүлэх материал:
-Боловсролын гэрчилгээ
-Бүс нутгийн болон олон улсын олимпиад, эрдэм шинжилгээний хурал, чухал ач холбогдолтой арга хэмжээ, төсөл хөтөлбөр зэрэгт гаргасан амжилтыг гэрчлэх баримт
-Гадаад пасспорт/ хүчинтэй хугацаа 2026 оны гуравдугаар сарын 1-нээс өмнө дуусахгүй байх /
-Дээрх баримт бичгийн эх хувийн скан хуулбар ба орос хэлэнд хөрвүүлсэн орчуулгын хамт хавсаргана. /Орчуулгын товчоогоор баталгаажуулсан байх/
Харилцах утас: 45-46-00, 45-28-70
Даваа- пүрэв гарагт: 09:00-18:00 цаг хүртэл
Баасан гарагт 09:00-17:00 цаг хүртэл цагт холбогдож мэдээлэл авах боломжтой.
