“Их дуулга”-аас Б.Эрхэмбаяр мөнгө, О.Уранбаяр хүрэл медаль хүртэв

Олон улсын жүдо бөхийн холбоо (IJF)-ны 2023 оны хамгийн анхны “Их Дуулга” тэмцээн өнгөрөгч амралтын өдрүүдэд (II.04-05) Францын нийслэл Парис хотод боллоо. Парисын “Их дуулга” бол зөвхөн жүдо бөхийн тэмцээн биш, Парисын хуанлид онцгой байр суурь эзэлдэг баяр юм.

Манай улсаас ОУХМ Баттогтохын Эрхэмбаяр 66 кг-ын жинд мөнгө, спортын мастер Одгэрэлийн Уранбаяр 73 кг-д хүрэл медаль хүртэв.