Фото: Цас

Урин хаврын ойлгож, аясыг тааруулна гэдэг заримдаа ааштай нэгнийг аргадах мэт. Халууцлаа гээд нимгэрчихвэл хатгаа авахуулчихаа шахна. Гэнэдэхгүй шүү гээд зуузаалчихвал халууцуулж, бачимдуулж дөнгөдөг.

Өчигдөрхөн тэнгэр газар нийлж, шороо шуурч байсан бол өнөөдөр сэтгэл гэгэлзүүлж, зүрх догдлуулам зөөлөн цасан хаялах юм. Агаарын сайхныг мэдэрч, аядуухан алхах нэгэн байхад, түргэхэн шиг зорьсон газраа очихоор яаран алхах хүмүүс.

Ай хавар чи хүмүүний сэтгэлийг догдлуулж, айсуй цагийн аясыг олон аргаар сануулж чаддаг хүчтэн билээ…

Гэрэл зургийг П.Нарандэлгэр