“Шинэ сэргэлтийн бодлого-Аялал жуулчлал” хэлэлцүүлэг эхэллээ

Байгаль орчин, аялал жуулчлалын сайд Б.Бат-Эрдэнийн санаачилга дор зохион байгуулж буй “Шинэ сэргэлтийн бодлого-Аялал жуулчлал” сэдэвт хэлэлцүүлэг /2022.02.14/ эхэллээ. Энэхүү хэлэлцүүлэгт:

• БАЙГАЛЬ ОРЧИН, АЯЛАЛ ЖУУЛЧЛАЛЫН ЯАМ
• ГАДААД ХАРИЛЦААНЫ ЯАМ
• ЗАМ, ТЭЭВРИЙН ХӨГЖЛИЙН ЯАМ
• СОЁЛЫН ЯАМ
• ЭРҮҮЛ МЭНДИЙН ЯАМ
• АЯЛАЛ ЖУУЛЧЛАЛЫН ХӨГЖЛИЙН ТӨВ
• МОНГОЛЫН АЯЛАЛ ЖУУЛЧЛАЛЫН ХОЛБОО
• МЭРГЭЖЛИЙН ХОЛБООД тэргүүтэй Монголын аялал жуулчлалын салбарын 250 гаруй төлөөлөл  оролцож байгаа юм.

Тус хэлэлцүүлгээр салбарын хууль эрх зүйн орчныг сайжруулах, нийгмийн шинж чанартай түгжээ гацааг мултлах, салбар хоорондын уялдаа холбоог нэмэгдүүлэх зэрэг бодит үр дүн гарахуйц түвшинд талуудын оролцоог хангасан байдлаар зохион байгуулж байна.