Нийслэлийн гэр хороололд сайжруулсан шахмал түлшний 128 цэг ажиллаж байсан бол өнгөрсөн амралтын өдрүүдэд 153 цэг шинээр байгуулж 281 цэгээр шахмал түлш худалдан борлуулж байна. Дээрх цэгүүдэд захиалгын дагуу 5 тонн түлш дотоод тээврийн туслан гүйцэтгэгч 34 компани хүргэн ажиллаж байна.
Энэ долоо хоногтоо багтаан сайжруулсан шахмал түлшийг 450 цэгээр худалдан борлуулна. Тавантолгой түлш ХХК-ийн хувьд энэ жил 72 мянган тонн сайжруулсан шахмал түлшийг аюулгүйн нөөцөд нөөцлөөд байна. Тавантолгой түлш ХХК-ийн дөрвөн үйлдвэрийн 10 шугам тогтмол ажиллаж хоногт 1500-1700 тонн сайжруулсан шахмал үйлдвэрлэж байна.
