М.Анхцэцэг ААШТ-ээс хүрэл медаль хүртлээ

Цар тахлын улмаас бүтэн жилээр хойшилсон “Ташкент-2020” хүндийн өргөлтийн ААШТ-ий 87 кг-д Мөнхжанцангийн Анхцэцэг хүрэл медаль хүртлээ. Тэрээр огцом өргөлтөөр 111 кг, түлхэлттэй өргөлтөөр 136 кг, нийлбэр дүнгээр 247кг өргөлөө.

Эмэгтэйчүүдийн 87 кг-д алтан медалийг БНХАУ-ын тамирчин Ван Жоу Юй огцом өргөлтөөр 126кг, түлхэлттэй өргөлтөөр 160кг, нийлбэр дүнгээр 286кг, мөнгөн медалийг мөн Хяталын тамирчин Кан Юйэ огцом өргөлтөөр 118кг, түлхэлттэй өргөлтөөр 155кг, нийлбэр дүнгээр 273 кг өргөсөн байна.