Тусгай үүргийн онгоцоор 145 иргэн ирлээ

Токио-Улаанбаатар чиглэлийн тусгай үүргийн онгоц /2021.03.15/ “Буянт-Ухаа” олон улсын нисэх буудалд 20:25 цагт газардлаа. Тус онгоцоор Япон, АНУ, Мьянмар, Өмнөд Судан, Ардчилсан Конго, Тайландаас 145 иргэн эх орондоо ирсэн байна.

Эдгээр иргэдийн 114 нь бусад хүндэтгэн үзэх шалтгаантай, 24 нь бага насны хүүхэдтэй гэр бүл, 3 нь эрүүл мэндийн шалтгаантай, 1 нь өндөр настан, 3 нь жирэмсэн иргэн байгаа юм. Иргэдийг Намуун, Ворлд Монголиа, Кентавр зочид буудалд тусгаарлана гэж УОК-ын Шуурхай штабаас мэдээллээ.