Эрчим хүчний салбарын шилдгүүд шагналаа гардав

     Монгол Улсын Засгийн газрын 2019 оны 01 дүгээр сарын 09-ний өдрийн 5 дугаар тогтоол, 2019 оны 05 дугаар сарын 22-ны өдрийн 204 дүгээр тогтоолыг үндэслэн эрчим хүчний салбарт идэвх санаачлагатай, олон жил үр бүтээлтэй ажилласан Эрдэнэт үйлдвэрийн ажилтнуудыг Эрчим хүчний сайдын тушаалаар шагнан урамшууллаа. 

     2020 оны ажил үйлс, амжилт бүтээлээрээ салбарын хамт олноо манлайлсан Засвар механикийн заводын Тэргүүлэх эрчим зүйч Б.Хишигсүрэнг “Эрчим хүчний тэргүүний ажилтан” цол тэмдгээр, цахилгаанчин А.Гантулга, Ө.Даваажав, сантехникч Н.Баярхүү, комперосрмашинч Г.Төгсбат нарыг яамны “Жуух бичиг”-ээр тус тус шагнав. 

     Эрдэнэт үйлдвэрийн Засвар механикийн заводын Цутгуурын цехийг өргөтгөн шинэчлэх ажилтай холбогдуулан тус ажилд гар бие оролцож, амжилттай ажилласан эрчим хүчний салбарын шилдгүүддээ халуун баяр хүргэе. 

И.Чинтогтох
Фото: Б.Баттөгс