Шадар сайд, Эрүүл мэндийн сайд нар сэтгүүлчидтэй зангиагүй уулзалт хийлээ

Засгийн газар  /2020.09.14/ ээлжит бусаар хуралдаж, УОК-ийн мэдээллийг сонсож,  хэлэлцэн өндөржүүлсэн бэлэн байдлын зэрэгт шилжүүлсэн хугацааг 10 дугаар сарын 31-ний өдрийг дуустал сунгасан. Ингэхдээ зарим хязгаарлалтыг цуцалсан. Тухайлбал 2020оны 09 дүгээр сарын 16-наас Соёл урлаг, олон нийтийн арга хэмжээ, худалдаа, үйлдвэрлэл, нийтийн үзвэр үйлчилгээний газрууд, 2020 оны 09 дүгээр сарын 21-ээс Бүх шатны боловсролын байгууллагуудын үйл ажиллагааг  тус тус хэвийн горимд шилжүүлсэн.

Мөн гэрийн тусгаарлалтын 14 хоногийг цуцлах шийдвэр гаргасан. Дээрх шийдвэрүүдийг гаргасан үндэслэл болон Короновируст халдвараас урьдчилан сэргийлэх, бэлэн байдлыг хангуулах чиглэлд ямар арга хэмжээ авч хэрэгжүүлж байгаа талаар Монгол Улсын шадар сайд Я.Содбаатар, Эрүүл мэндийн сайд Т.Мөнхсайхан нар сэтгүүлч, хэвлэл мэдээллийн байгууллагын төлөөлөлтэй уулзаж дэлгэрэнгүй мэдээлэл өглөө.