Шингэрүүлсэн шатдаг хийг шилжүүлэн, аюулгүй болгов

Энэ сарын 24-ний өдрийн 18 цагийн орчим Завхан аймгийн Их-Уул сумын Загастайн даваанд “Дашваанжил ХХК”-ын 8.5 тн шингэрүүлсэн шатдаг хий тээвэрлэж явсан автоцистерн осолдож авто замын хажуугийн хэсэгт унасан байдалтай байсан аж.

Уг ослын дуудлагын дагуу Аймгийн Мэргэжлийн хяналтын газрын Даргаар ахлуулсан ажлын хэсэг шуурхай арга хэмжээг газар дээр нь авч тээврийн хэрэгслийг аюулгүй босгож, шингэрүүлсэн шатдаг хийг шилжүүлэн ачиж зөрчлийг арилгаж ажиллалаа.