Увс аймаг боксын клубтэй боллоо

Орон нутгийн хөгжлийн сангийн санхүүжилтээр Увс аймгийн спортын ордон мэргэжлийн боксын иж бүрэн рингтэй болж, нээлтээ хийлээ. Нээлтийн үйл ажиллагаанд тус аймгийн удирдлагууд болон Олимпийн аварга, Хөдөлмөрийн баатар, гавьяат тамирчин Э.Бадар-Ууган, Цэргийн дуу бүжгийн чуулгын дуучин МУГЖ Б.Батбаатар нар оролцсон байна.

Увс аймгийн хүүхэд залуучууд 2019 он гарсаар таеквондогийн төрлөөр Ази тивээс 16, Улсын аварга шалгаруулах тэмцээнээс 33 медаль хүртсэн. Ийнхүү тулааны спортод цахиур хагалах боломжийг өргөтгөхийн тулд боксын төрлийг хөгжүүлэх нь хүүхэд залуусын өөрийгөө хөгжүүлэх, их спортод амжилт үзүүлэх боломжийг бүрдүүлж өгч байгаа аж.