Илчлэг багатай 20 хүнс

Өлсөхгүйгээр жингээ хасахад тань юу хамгийн чухал вэ. Мэдээж, илчлэг багатай хүнсийг сонгож идэх нь чухал. Илчлэг багатай хүнсийг танилцуулж байна. 

Үхрийн мах

Малын мах уургаар баялаг учраас өөхөө хурдан шатаахад тань тустай. Учир нь уураг булчингийн массыг нэмж, өөхийг шатаах шидтэй билээ.

Тахианы цээж мах

Тахианы мах бол уургийн маш сайн эх үүсвэр юм. Тахианы 100 гр цээж мах тутамд 110 ккал илчлэг агуулагддаг байна.

Цацагт хяруулын цээж мах

Цацагт хяруулын цээж маханд уургийн өндөр агууламж, витамин В6 баялаг байдаг. Энэ амин дэм нь таны бодисын солилцоог эрчимжүүлж, таны идсэн хоолыг энерги болгон задалдаг. Цацагт хяруулын 100 гр цээж маханд 111 ккал илчлэг агуулагддаг аж.

Гахайн өөхгүй мах

Энэ бол илчлэг багатай хэр нь тэжээллэг хүнсний чухал төрөл. Гахайн хар мах нь гайхалтай бага илчлэгтэй хүнс. Түүнчлэн энэ нь В витаминаар баялаг бөгөөд асар их уургийн агууламжтай байдаг. Гахайн 100 гр хар маханд 143 ккал илчлэг агуулагддаг аж.

Загас болон далайн хүнс

Загас болоод далайн хүнсний ихэнх нь маш тэжэллэгэ байдаг бөгөөд энэ нь илчлэгийг шатаахад их үүрэгтэй аж. Яг л махтай адил уургаар баялаг. Мөн В12 витаминаар баялаг, Омега-3-ын эх үүсвэр. Омега -3 бол үрэвслийг дарах, эрүүл мэндийг дэмжих байгалийн шидэт анагаагч юм.

Сагамхай загас

Энэ бол өөхгүй мах, бас их уураглаг хэр нь илчлэг багатай. Түүнчлэн В12 витаминаар баялаг бөгөөд иод, селенийг ихээр агуулдаг. Бас Омега-3 ихээр агуулдаг. Сагамхай загасны 100 гр маханд 82 ккал илчлэг агуулагддаг байна.

Яргай загас

Яргай загас бол тэжээллэг чанараараа өндөр бөгөөд зүрхний эрүүл үйл ажиллагааг дэмжигч чанартай. Бас Омега-3-ын өндөр агууламжтайн дээр Д витаминаар баялаг. Өнөөдөр дэлхий дахинаараа Д витамины асуудалд орсон энэ цаг үед ихээхэн ач тустай хүнс. Д витамин нь ясны сийрэгжилтээс сэргийлэхээс гадна хавдраар өвчлөх эрсдэл, цусны даралт ихсэлтийг бууруулдаг аж.Яргай загасны 100 гр махан 116 ккал илчлэг агуулагддаг байна.

Хясаа

Хясаа бол маш амттай, зөөлөн хүнс. Гэхдээ үүнийг идэхдээ аль болохоор их хэмжээний илчлэгтэй сүмсээр амталж идэхээс татгалзсан нь дээр. 100 гр хясаанд 88 ккал илчлэг агуулагддаг. 5 жижиг хясаа идэхэд 26 ккал агуулна.

Хүнсний ногоо

Ихэнх хүнсний ногоо бага илчлэг агуулдаг хэр нь витамин, эрдэс бодис, эслэг, антиоксидантаар баялаг байдаг. Ийм болохоор хүнсний ногоо бол жингээ хасахыг хүсэгчдийн хамгийн дуртай хоолны нэг юм. Цардууллаг чанартай төмс, хулуу зэрэг нь илчлэг ихтэй ч маш тэжээллэг байдаг аж.

Хятад байцаа

Напа, бок зэрэг хятад байцаа нь тэжээллэг чанараараа гайхалтай бүтээгдэхүүн. С, К витаминаар баялгийн дээр фолийн хүчил ихээр агуулдаг. 100 гр хятад байцаанд ердөө л 16 ккал илчлэг агуулдаг аж.

Өргөст хэмх

Өргөст хэмх бол бага илчлэгтэй ч ус ихээр агуулдаг хүнс. Сонирхолтой нь, эдгээр нь К амин дэмийн эх үүсвэр юм. 100 гр өргөст хэмхэнд 15 ккал илчлэг агуулагддаг.

Улаан лууван

Улаан лууван нь гашуувтар амттай  ч илчлэг багатай, маш амтлаг хүнс. 100 гр улаан лууванд 16 ккал илчлэг агуулагддаг.

Цоохор майлз

Цоохор майлз бол илчлэг багатай ч тэжээллэг чанараараа баялаг хүнс. К амин дэмийн эх үүсвэр бөгөөд үрэвслийг дарах нэгдлүүдийг өөртөө агуулдаг. 100 гр цоохор майлзад 16 ккал илчлэг агуулагддаг.

Буржгар байцаа

Энэ бол үнэхээр тэжээллэг хүнс. А, С, К амин дэмийн эх үүсвэр. Нэг аяга буржгар байца нь таны өдөрт авах ёстой К амин дэмийг 5 дахин нэмсэн эх үүсвэрийг бэлэглэж чадна гэхээр гайхалтай байгаа биз. 100 гр буржгар байцаанд 50 ккал илчлэг агуулагддаг.

Гү3ээлзгэнэ

Гүзээлзгэнэ бол эслэгийн эх үүсвэр. Мөн С витаминаар баялаг. 100 гр гүзээлгзэнэд 32 ккал илчлэг агуулагддаг байна.

Өрмийг нь авсан сүү

Энэ бол илчлэг багатай боловч уургийн өндөр агууламжтай байдаг. Бас кальц болоод В витамины эх үүсвэр. Өрмийг нь авсан 100 гр сүүнд 35 ккал илчлэг агуулагддаг.

Өндөг

Өндөг бол хямдхан хэр нь тэжээллэг, уургаар баялаг хүнс билээ. Бас хурдан цатгадаг. Судалгаанаас харахад, өглөөний цайндаа өндөг иддэг хүмүүс жингээ хурдан хасдаг аж. 100 гр өндгөнд 144 ккал илчлэг агуулагддаг. Нэг том өндгөнд 77 ккал илчлэг бий.

Овъёос

Овъёос бол эслэг болоод антиоксидантаар баялаг хүнс. Мөн уураг, В витамин, манганаар баялаг.
Судалгаанаас харахад, байнга овъёос иддэг хүний муу холестрин буураад зогсохгүй цусны даралт ихсэх нь ч багасдаг байна. Мөн жингээ хурдан хасахад тань тусална. 100 гр дэвтээсэн овъёосонд 71 ккал илчлэг агуулагддаг.

Хар кофе

Элсэн чихрээр амталбал кофе өндөртэй болж хувирдаг. Иймд кофег хараар нь ууж сураарай. Ингэвэл өөх шатаах шидтэйг нь та мэдрэх болно. Илчлэг: 0

АНХААРУУЛГА: Уншигчдын бичсэн сэтгэгдэлд newswall.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

avatar