Эргүүлийн цагдаа нар галын аюулаас 3 хүний амь амарчээ
Баянхонгор аймгийн Цагдаагийн газрын Замын цагдаагийн тасгийн зохицуулагч, цагдаагийн ахлагч Э.Мөнгөнбагана, эргүүлийн цагдаа, цагдаагийн дэд ахлагч Б.Бадамсэрээжид нар галаас гурван хүний амь аварчээ.
Энэ сарын 4-ний 04:00 цагийн үед Баянхонгор аймгийн 9-р багийн нутаг дэвсгэрт шөнийн эргүүлийн үүрэг гүйцэтгэж байх хугацаанд хариуцсан чиглэлд айлын гэр шатаж байсныг унтрааж, дотор нь унтаж байсан 76 настай өндөр настан Д.Хумбаан, түүний 2 охиныг галын аюулд өртөж, амиа алдахаас аварсан байна.
Өндөр настан Д.Хумбааны охин М.Цэцэгээ “Манай гэрт шөнийн 04 цагийн орчимд гал гарч байхыг нь 2 цагдаа хараад гэр дээр нь гарч галыг унтрааж, дотор нь унтаж байсан хэвтэрт байдаг манай ээж болон миний төрсөн дүүгийн 2 хүүхдийн амь, эд хөрөнгийг галд шатахаас аварсанд маш их баяртай байна” гэж Цагдаагийн газарт талархал ирүүлжээ.
