МАН-ын Удирдах зөвлөл өнөөдөр Тусгаар тогтнолын ордонд хуралдлаа. Удирдах зөвлөлийн хурлаар МАН-ын Бага хурлыг товлох тогтоох асуудлыг хэлэлцэж, энэ сарын 19 буюу энэ долоо хоногийн лхагва гаригт хуралдах шийдвэригйг гаргалаа. МАН-ын дарга бөгөөд Ерөнхий сайд У.Хүрэлсүх намынхаа Бага хурлыг хуралдуулж, нэр бүхий гишүүддээ хариуцлага тооцно гэдгээ өмнө нь удаа дараа илэрхийлж байсан билээ.Улс төрийн нөхцөл байдалтай холбогдуулан, МАН-ын Бага хурлыг яаравчилан зохион байгуулахаар болсон бөгөөд, мөн эрх баригч намын бүлгийн дотоод асуудлыг Бага хурлаар хэлэлцэх чухал асуудлуудын нэг байх нь ойлгомжтой.
