Эмэгтэйчүүд залуучуудын эрүүл мэндийг дэмжих хөтөлбөр амжилттай хэрэгжиж байна
НҮБ-ын Хүн амын сан, Хүүхдийн сан, ДЭМБ, Австралийн Элчин сайдын яам, ЭМЯ, Өмнөговь аймгийн Засаг даргын Тамгын газар, Говийн оюу хөгжлийг дэмжих сангийн хамтарсан “Өмнөговь аймгийн эмэгтэйчүүд, залуучуудын эрүүл мэндийг дэмжих нэгдсэн хөтөлбөр”-ийн удирдах хороо хуралдаж, 2018 оны ажлын хэрэгжилтийг хэлэлцлээ.
2018 онд хөтөлбөрийн хүрээнд нөхөн үржихүйн насны эмэгтэйчүүдэд үзүүлэх эмнэлгийн тусламж үйлчилгээний чанарыг сайжруулах зорилгоор гадаадын болон улсын томоохон эмнэлэг, АШУИС-ийн зөвлөхүүд орон нутгийн эмч нарт сургалт, мэргэжил арга зүйн зөвлөгөө, дэмжлэг үзүүлсэн. Хүүхэд залуучууд, оюутнуудын дунд эрүүл мэндийн үзлэг, оношлогоо, зөвлөгөөг өгөх арга хэмжээг зохион байгуулав.
Төрөх эмнэлгийн үр хөндөлтийн кабинетийн үйл ажиллагааг стандартын дагуу явуулах орчин нөхцөлийг бүрдүүлж, зарим шаардлагатай тоног төхөөрөмжийг хангаж өгсөн байна.
