“Гашуун сухайт”-ын авто замын хөдөлгөөн хэвийн үргэлжилж байна

Цаг агаарын нөхцөл байдал хүндэрч, үзэгдэх орчин хязгаарлагдаж, автозамын зорчих хэсэгт мөсөн бүрхүүл тогтсоны улмаас Гашуун сухайт авто зам ХХК-аас замын нийт зорчих хэсгийн хөдөлгөөнийг тодорхойгүй хугацаагаар хаасан бол өчигдрөөс “Гашуун сухайт”-ын авто зам нээгдэж хөдөлгөөн хэвийн үргэлжилж эхэллээ.

Цас орж, халтиргаа гулгаа үүссэн хэсэгт Гашуун сухайт авто зам ХХК-ийн зам засварын ажилчид давс цацах ажлыг гүйцэтгэж буй бол Гэрээт цагдаагийн албанаас хөдөлгөөнт эргүүл гарч замын нөхцөл байдлын талаар үзлэг шалгалт хийж байна хэмээн Гашуунсухайт боомтын төлөөлөгч С.Одончимэг мэдээллээ.