Нийслэлийн 4478 иргэнийг дархлаажуулахаар төлөвлөжээ

Энэ сарын 26-ны өдөр нийслэлийн хэмжээнд I тунд 56, II тунд 119, нэмэлт сэргээх тунд 2028, нийт 2203 иргэнийг дархлаажууллаа. Вакцинжуулалт эхэлснээс хойш нийслэлийн нийт хүн амын I тунгийн хамралт 74.6 хувь, II тунгийн хамралт 71 хувь, нэмэлт тунгийн хамрагдалт 19.6 хувь байна.

Зорилтот бүлгийн буюу 2944 (24.7 хувь) жирэмсэн эх, 12-15 насны 67461 (75.9 хувь), 16-17 насны 26508 (78.2 хувь) хүүхэд тус тус дархлаажуулалтын бүрэн тунд хамрагдлаа.

Өнөөдөр буюу 2021 оны 10 дугаар сарын 27-ны лхагва гарагт Улаанбаатар хотод явуулын 31 баг, суурин 35 цэгт 75 багийн 283 эмч, ажилтан ажиллаж, 4478 иргэнийг дархлаажуулахаар төлөвлөлөө.

Та өөрт ойр вакцины аль ч цэгт очиж дархлаажуулалтад хамрагдах боломжтой. Дархлаажуулалтын цэгүүд 09:00-17:00 цаг хүртэл ажиллана. Дархлаажуулалтын цэгийг дүүрэг тус бүрээр танилцуулж байна.